Post matni
1. Umimiy gaplar yozilishi Biz Tavsiyanomani aniq misollar bilan to‘ldirishimiz kerak. Raqamlar ishlatish kerak. ❌ “U yaxshi o‘qiydi”, “Mas’uliyatli talaba” kabi umumiy jumlalar hech qanday ishonch uyg‘otmaydi. ✅Masalan, " Sardor loyihada 5 kishilik jamoaga yetakchilik qildi” “U oy ichida tadqiqot natijasini 30% yaxshiladi” 2. Nomzodning kuchli tomonlari fakt bilan isbotlanmasligi Ko‘p tavsiyanomalarda kuchli tomonlar sanab o‘tiladi, lekin dalil yo‘q. Masalan: ❌“U yaxshi muloqotga kirisha oladigan talaba.” ✅ "U MUN konferensiyasida delegat sifatida ishtirok etib, 2 marta Eng kuchli delegat nominatsiyasini qo'lga kiritgan." Bunda siz MUNda haqiqatda faol bo'lib, muhokamalarda o'zingizni ko'rsatib, eng faol sifatida taqdirlanganingizni ko'rsatadi. 3. Tavsiyanoma beruvchi shaxs va nomzod bilan aloqadorligini yetarlicha yoritmaslik Tavsiyanoma kim tomonidan yozilganini aniq tushunilmasa, uning kuchi tushib ketadi. Sizga tavsiya nomi berayotgan shaxs siz bilan qanday aloqasi borligini aniq ko'rsatishi kerak. Ko‘p uchraydigan xato: ❌“Men Sardorni yaxshi taniyman…” lekin kim yozgani qancha vaqt birga ishlagani yoki o'qitgani ko‘rsatilmagan. ✅ “Men Xalqaro huquq fakulteti o'qituvchisi sifatida ommaviy huquq fanidan ushbu talabaga dars berganman. Shuningdak, Sardorga 2 yil davomida ilmiy rahbar sifatida yordam berganman.”
