Grantlar, dasturlar va tanlovlar | ScholarshipFinder
Grantlar
Grantlar, dasturlar va tanlovlar
Grantlar, almashinuvlar, amaliyotlar, tanlovlar va olimpiadalar bitta katalogda, bitta qidiruvda.
Course
Veritas AI Scholars
Veritas AI — intiluvchan yoshlar uchun sun'iy intellekt bo'yicha maxsus dastur. Bu yerda siz AI fundamental bilimlarini egallab, amaliyotda real loyihalar qurasiz. Harvard olimlari tomonidan tashkil etilgan ushbu dasturda Harvard, Stanford, MIT va Princeton professorlaridan ta’lim olasiz. Bizga hamma ham qabul qilinavermaydi. Agar siz o'z oldiga katta maqsadlar qo'ygan bo'lsangiz va AI olamida o'z loyihangizni yaratmoqchi bo'lsangiz — arizangizni topshiring
Congressional App Challenge — maktab o‘quvchilari uchun mobil ilovalar, veb-ilovalar va dasturiy ta’minot yaratish bo‘yicha xalqaro tanlov. Ishtirokchilar o‘zlarining innovatsion g‘oyalari asosida ishlab chiqilgan ilovalarni taqdim etishlari mumkin.
Honjo International Scholarship Foundation: Yaponiyada bakalavriatdan keyingi bosqichlarda oʻqish uchun oyiga 1600 dollargacha stipendiya!
Yaponiyaning Honjo International Scholarship Foundation jamgʻarmasi Yaponiyada magistratura yoki doktorantura (PhD) bosqichida tahsil olishni xohlovchi xorijiy talabalarga turli miqdordagi stipendiyalarni taqdim etadi. Stipendiyalar ham kuzgi, ham bahorgi semestrdan boshlanadigan oʻqishlar uchun beriladi. Hozir 2027-yil bahorgi semestrdan (aprel oyidan) oʻqishni boshlash uchun arizalar qabul qilinmoqda. Navbatdagi qabulda jamida 10 nafar atrofida talabaga grant ajratilishi rejalashtirilgan. Bunda nomzodlardan Yaponiyadagi OTMlardan biriga oʻqishga kirishi/kirgan boʻlish talab etiladi. Nomzodlardan aynan yapon tilida oʻqishi talab etilmagan boʻlsa-da, yapon tilini kundalik hayotda suhbatlasha oladigan darajada bilish sharti qoʻyilgan. Saralash jarayonidagi suhbat yapon tilida boʻladi va topshiriladigan tadqiqot rejasi ham yapon tilida boʻlishi lozim.
Max Planck Institute for Software Systems (MPI-SWS) tomonidan tashkil etiladigan ushbu yozgi ilmiy amaliyot dasturi ishtirokchilarga sun'iy intellekt, kompyuter fanlari, dasturiy ta'minot, ma'lumotlar ilmi va boshqa turdosh yo'nalishlarda xalqaro olimlar bilan birgalikda ilmiy tadqiqot olib borish imkoniyatini taqdim etadi.
Lester B. Pearson International Scholarship 2027 — Kanadada bakalavr uchun toʻliq grant
Toronto universitetidagi Lester B. Pearson xalqaro stipendiyasi (Lester B. Pearson International Scholarship) xalqaro talabalarga Kanadaning eng yetakchi universitetida bakalavriat bosqichida tahsil olish imkonini beruvchi nufuzli grant dasturidir. Dastur har yili yuqori akademik koʻrsatkichlarga erishgan, ijodkor hamda yetakchilik salohiyatiga ega boʻlgan 37 nafar iqtidorli xalqaro talaba ga ajratiladi. Stipendiya bakalavriat yoʻnalishida 4 yillik taʼlim olish bilan bogʻliq barcha xarajatlarni toʻliq qoplaydi.
Ladder Internships — bu onlayn xalqaro stajirovka (internship) dasturi bo‘lib, u orqali talaba yoki o‘rta maktab o‘quvchilari dunyo bo‘ylab startaplar bilan ishlaydi va real ish loyihalarini bajaradi. Talabalar quyidagi sohalarda ishlashi mumkin: Machine Learning & AI Software Engineering Media & Journalism Finance Non-Profit Environmental Science ... va boshqalar.
Eric Bleumink Fund: Gollandiyada magirtraturani oʻqish uchun toʻliq grant, oylik stipendiya va safar xarajatlari uchun mablagʻ!
Gollandiyada joylashgan Groningen Universiteti har yili magistratura kursida o’qishni boshlaydigan bir qator davlatlar (ro’yxatda O’zbekiston ham bor) fuqarolari uchun Eric Bleumink Fund jamgarmasi Talent Grant dasturini taklif etadi. Grantlar barcha yo’nalishlar bo’yicha 1 yoki 2 yillik magistratura kursilari ga (MSc/MA/LL.M) qabul qilingan qobiliyatli, a’lochi talabalarga mo’ljallangan. Grant dasturidan maqsad iqtidorli, yuqori potensialli, ammo nufuzli oliygohlarda o’qish imkoni bo’lmagan talabalarga moddiy yordam berish. Ushbu grant 2027-yil sentabrdan boshlab oʻqish uchun taqdim etiladi. Groningen universiteti dunyoning eng nufuzli oliygohlaridan biridir. Jumladan, 2026-yil iyul oyi holatida koʻra ushbu oliygoh dunyodagi eng kuchli universitetlar roʻyxatida 82-oʻrinni egallab turibdi (THE reytingi boʻyicha).
